CCCXXVIII.

1424, December 12. (Kamenz.)

Abt Nicolaus bestätigt einen auf der "Schulhufe" zu Schlottendorf erkauften Jahrzins von 34 Groschen.

Wir brudir Nicolaus von Paczakw von gotis gnaden apth czu Kamencz thuen kunt und zu wissen allen, di desen briff sehen adir horen lesen, daz vor uns komen ist Kuncze Czachir unser undirsesse zu Slobottendorff, besitczer der Schuelhuben doselbist und hat bekant in gesundigkeyt des lybis und der vornumfft, daz Hannus, Petir Polags kindt, hat sebin Polnischer marg in und uff der selbin Schuelhuben, di an daz kindt also komen sint, sechtehalbe marg von syme rechtin evatir uff der selbin huben und sechs firdunge aws dem gerichte synes rechtin erbegeldis. Und bath uns mit fleysse der selbe Kuncze Czachir, daz wir im gunden, daz das selbe geldt blebe steen uff der selbin Schuelhuben czu eyner gewonlichen iargulde, wen her daz geldt nicht mochte gegeldin dem obgenantin kinde mit synen fromen. Dez habe wir angesehen syne fleyssige bethe und haben daz durch syner besserunge wille gegunst und gewillet und haben gereycht und reychin mit desim briffe in eynes rechtin kauffes namin Hannussen, Petir Polags kindt, und Michil Polag alz eyme vormunde dez selbin kindes vire und drysig groschen rechtir iargulde alle iar zu nemen und zu hebin uff der obgenanten Schuelhuben, sebinczehen groschen uff Pfingsten und sebinczehen groschen uff Wynachten, bey der pfandunge, der en unser foyt helfin sal, alze uffte daz not wirt seyn, vor ire czinse und mit den pfanden se auch thuen mogen zu handen, alz ab alle recht domethe begangen weren, czu vorsetczen in Cristen adir in Juden. Auch wen Kuncze Czachir adir wer di selbe Schuelhube besitcz, also stodhafft werdin, so mogen se und sullen di obgenante iargulde wedir kauffen von derselbin huben mit sebin Polnischen marken ungehindert aller sachin, dach unschedlichen den vorsessin czinsen. Und wenne daz uffte genante kindt mundisch wirt, so sals syne czinse selbir hebin und nemyn und vorantworten und mit den czinsen und mit syme gelde thuen und lossen. Und dez alles zu eyner bestetigunge und zu guter bewysunge habe wir desin briff dorubir lossen schriben und vorsegiln mit unsirm segil am montage vor Lucie noch gotis geburdt virczenhundert und im vire und czwenczigisten iare.

Or. Perg. An einem Pergamentstreifen das am Rande beschädigte Conventsiegel.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.